Ye Yaadein.

Kuch sehemisi hai ye yaadein, 

Kuch uljhisi hai ye yaadein,

Saath rahen har pal humare,

Sada vafadaar hoti hai ye yaadein.

Bachpan ke masoomiyath ki, Shararathon ki,

Khushboo pehli barish ki, naye kithabon ki, 

Shikhshak ki karari moochon aur sheekshika ki ajeeb pathli awaaz ki, 

Yaadein tiffin mein maa ki methi-puri ke saath dost ke tiffin meinse neembu achaar ke swaad ki. 

Family ke saath train ke safar ki, 

"Raath mein upper-berth ya din mein window-seat"- behen ke saath uss deal ki,

Woh pehle pyar ki, woh ajeeb si kashmakash ki,

Yaadein college ke aakhri din ki, 

Duniya jeethneki atmavishwas ki,

Moolya beetien huve har lamhon ki,

Har acche aur bure kaarnamon ki, 

Saaya banke apne mann ko ateet ki sachet karaye,

Pitara gupt karmon ki... rahasyon ki....ye yaadein.

-Sharon.